八方噚日去君悅酒店「李兆基學位」活動。呢個由恒基主席李兆基資助成績優異嘅學生赴英國牛津大學升學的計劃，今年已踏入第二十三年，培養咗七十三名大學畢業生，其中三十八名考得一級名譽畢業，比率高出牛津學生平均成績約三倍。
李四叔噚日準時七點幾與其左右手林高演現身，一到場就同獲選嘅四名學生打招呼。八方見四叔其後行埋一邊食藥，四叔話不過係傷風感冒而已，跟住就同兒子李家誠及林高演去食飯。
今次嘅四名狀元喺二十四位申請者脫穎而出，佢哋係：林護紀念中學嘅蕭子謙、德望學校嘅雷嘉恩、聖士提反女校嘅張凱珊，同埋加拿大St.George’sSchool畢業嘅鄧名揚。八方對為何有外地學生獲得呢個資格好感興趣，印象中好少有。
（圖）「四叔」李兆基（前排中）與評選委員楊鐵樑（前排左）及牛津大學活特博士（前排右），與四名獲獎學生一同拍照留念。
傳真︰2623-9278
電郵︰