薑味帶辛辣，不過此辣無辣椒咁激辣，辣得嚟帶溫和，胃寒食少少薑嘅嘢更有助驅寒、暖胃作用。鍾唔鍾意食薑餅呢？呢款老薑餅係奇華餅家新推出嘅餅食。餅選用特製話梅薑，再加上蛋白、奶粉、糖膠等材料所製成，入口鬆化，有濃郁嘅薑味，喺食嘅期間重嚼到粒粒嘅碎薑粒，愈食愈香口。作為下午茶點，有益又健康，下周二可於各大門市買到。
$25包(200克)
奇華餅家
飲茶有益健康，尤其是食完油膩嘢，飲杯熱茶都零舍舒服。最近有個朋友介紹我飲一款叫「紅樓」RedMansion嘅茶，聽講呢款茶喺海外頗為出名。淨係佢別樹一幟嘅包裝己夠吸引，茶葉罐採用獨特嘅雀籠設計，並繪畫上古典美人圖，而罐內亦別有洞天，說明書採用卷軸形狀設計，配以古典圖案，保留傳統氣息同時亦加添一份時代感，實為送禮自用嘅佳品，中秋送茶葉都不失為好選擇。
質素方面，其完整嘅茶片，芳香撲鼻，味道醇而不澀，率先推出嘅有龍井、茉莉、鐵觀音三種茶葉，龍井茶和茉莉花茶較清香，年輕人啱飲，鐵觀音則較香濃，送畀年長者最啱。
龍井茶$168/100克
茉莉花茶$158/100克
鐵觀音茶$86/100克
各大屈臣氏有售