噚日講過身兼行政會議成員、立法會議員及自由黨主席的田北俊無端端用四十幾萬買咗二十萬股新世界中國，八方見到田少，即刻問佢有乜玄機。
佢話自己都唔係好清楚，只係早排同佢嗰間萬泰控股同事講，內地經濟發展咁好，特別係啲樓咁好賣，應該買番啲內地地產概念股。佢話除咗新中之外，負責同事重買咗一啲其他內地概念股，但係就再唔肯講畀八方聽買咗乜。
田少話佢雖然係行政會議成員，但係唔會知道股價敏感消息，所以買股唔使避忌，又唔使申報。田少保持神秘感都有啲道理，因為佢買股消息噚日見報，新中股價即升四點一七個巴仙，田少變成金手指。
傳真︰2623-9278
電郵︰