陳冠希與陳奕迅昨日往尖沙嘴出席「二○○二全球華人新秀歌唱大賽」記者招待會，二人更即場選出1羅寶欣為最佳表現獎得主。
陳冠希昨日提到有雜誌報道謝霆鋒向公司提早出糧近五百萬，並準備與王菲外遊歎世界，陳冠希聽後說：「我覺得霆鋒一定有五百萬，使乜借啫！我唔理本雜誌係咪我公司，本雜誌成日呃人、亂寫，不過喺霆鋒臨走前，我會同佢溝通吓。不過係唔係同王菲去我就唔知，如果係，我咪唔去囉！」
此外，對於有報道指王菲跟男友霆鋒一同外遊，王菲的經理人邱王黎寬昨日在電話中說：「點解會咁寫去害謝霆鋒先生，假如真有其事，問英皇攞五百萬去玩，一定有人放料畀記者。咁樣寫會陷謝先生於不義，我信佢唔會咁儍。王菲一直對所有嘅傳聞都唔回應，時間會證明一切，未來王菲會為佢張唱片忙。」
採訪：卓美娟
攝影：羅德光