講起滋潤養顏的燕窩美食，人人都覺得好昂貴，一席燕窩宴，更可能是天文數字，但凡事總有例外。位於深圳蛇口的南海酒店，現舉行「燕窩美食薈萃」，每人?168就可歎足一餐燕窩美食；此外，黃油蟹夾啱時令就最肥美，配以燕窩一齊品嘗，正！
記者：梁煒
攝影：Manny
ImageGirl：NatalieWoo
鳴謝：美麗華集團
位於南海酒店泳池旁的繽紛體育中心，均領有多項高級潛水牌照，無論師資及設備俱佳。現時開辦潛水體驗班，8歲的小朋友亦可參加；除了理論課程，學員還可在泳池學習基本潛水技巧，課程完結，學員可獲贈潛水時的數碼相片一張。
費用：?110（90分鐘）
包括：租借整套潛水衣、浮量控制衣、面鏡、吸管、蛙鞋、潛水氣瓶及潛水儀表
酒店內佔地30,000平方呎的戶外野戰場，分別有射靶的射擊場及可互相對峙的野戰場。全場以射彩彈槍為主，每發約可射30米。
費用：每位?180
包括：裝束、彩彈槍及100枚彩色子彈
燕窩能助調理身體各項機能，亦是女性滋陰養顏的佳品。由即日起至10月31日止，深圳蛇口的南海酒店中菜部海敘廳，推出一個「燕窩美食薈萃」美食套餐，每位?168（另加15％服務費），便可在40多款極品燕窩佳餚中，選擇一款燕窩湯羹、三款燕窩主菜和一款燕窩甜品，粥粉麵飯則任食；餐前還免費贈飲「七彩燕窩冰」一杯及半打燕窩蛋撻，想食就早一日預訂喇！
燕窩羹類客人除了可選擇紅燒蟹肉官燕、椰皇土雞燉官燕外，這道燕液蟹底翅就最受客人歡迎。這道菜式時價每位?280，但家陣?168套餐一樣可品嘗，且同樣選用上等的牙揀翅，煮法與紅燒大鮑翅相若，弄好淨魚翅後加入上湯與燕窩、新鮮蟹肉、竹笙、金華火腿絲等一齊煨製；魚翅夠彈牙，配以滋補燕窩，夠晒豪華。
先把豆腐與蝦、豬肉一齊混製，再以匙羹做其外形，成型後落鑊煎釀，然後放上燕窩及金華火腿絲作調味，邊脆肉嫩，味道香濃。這道菜原本例牌也需?68。
將雞蛋炒熟切絲，驟眼看就似桂花，再混以芽菜、粉絲、蟹肉、燕窩等材料一齊炒至金香爽口，再放入用芋絲製成的芋巢內，外形夠別致。
先以上湯燜製魚唇，其後起鑊炒熟芥膽，最後再以上湯及燕窩一齊上碟。魚唇爽滑滋味，芥膽味道清淡，愛吃素菜人士必定喜歡。
單是燕窩重未夠喉？另外再點埋肥美的黃油蟹，就更加豪上加豪，例如生滾黃油蟹燕窩粥，每鍋?480（10人份量）；又或是燕窩配清蒸黃油蟹亦得。
清蒸黃油蟹加燕窩，是先將黃油蟹清洗蒸熟，再以上湯烹調過的燕窩，鋪在滿布金黃色蟹膏的蟹蓋內，混合後品嘗最美味。現時是盛產黃油蟹的季節，珠江三角洲一帶均有繁殖黃油蟹，故售價超平，且多肉多膏，會有全身漏「油」情況出現，所以食前需冰凍一日，想食的朋友便要早一日預訂。
時價?280?市斤
這是由生薑汁加香濃、無稀釋、少甜的順德大良水牛奶炮製而成，由於生薑汁與水牛奶有化學作用，不郁動3分鐘便可凝固，然後再放入燕窩，味道清甜兼有營養價值，大家不妨一試。
現凡惠顧「燕窩美食薈萃」，每位均獲贈半打燕窩蛋撻免費品嘗。蛋撻皮酥餡滑，再鋪上燕窩碎在面，食得招積。
南海酒店的海敘廳，環境寬敞舒適，加上面對海灘及園林，黃昏時分景色特別宜人。
南海酒店
地址：深圳市蛇口工業區工業一路1號
電話：（755）26692888
標準雙人房：?701（包早餐連服務稅）
交通：由尖沙嘴中港碼頭乘船到蛇口碼頭，船程約60分鐘，船票?110；步行到酒店只需2分鐘
香港訂房有着數
標準雙人房：＄688（包早餐、野戰樂園入場費和價值?100的美食券，燕窩美食薈萃一樣適合）
查詢：23155388（香港辦事處）