除咗雪糕月餅，𠵱家嘅新式雪糕都有好多唔同嘅花款，好似DoubleRainbow除咗出咗雪糕月餅之外，亦都有推出芝士月餅。
今年嘅芝士月餅多咗兩款新口味，分別係酸酸甜甜嘅草莓芒果，同埋味道清新嘅抹茶口味，混合芝士做成芝士嘅月餅，更能減低芝士滯口嘅感覺。一盒芝士月餅有四個，除咗上述新口味，重有經典嘅紐約同朱古力扭紋各一個。
售價：$268/盒（獨立裝$60/個）（9月18日前買$198/盒）
銷售點：DoubleRainbow
齋食水果略嫌寡咗啲嘅話，不妨加啲果凍一齊拌食。我肥師奶當然有好建議，絕唔會叫大家做咁煩，買現成貨就最簡單快捷。
平時要喺台灣至可以食到嘅愛玉，難得最近超市有出售，又點可以錯過呢？愛玉係一種叫愛玉子嘅果實所做成，質感滑溜，近似廣東嘅黑色涼粉，稍有分別係愛玉呈淡黃色，略透明。同樣嚟自台灣嘅杏仁乳凍亦係另一好選擇，兩者都係$9盒，每盒600克重。
$9盒 city'super有售