「啲讀者送咗好多BB衫嚟、重有奶粉、BB車同埋搖搖椅；另外，又有一位讀者寫咗封信畀我，叫我堅強啲，畀心機照顧BB，真係好多謝佢哋嘅關心。」二十二歲的單親少婦阿鳳抱着兩個月大的女兒笑着說。
然而，阿鳳的母親戴女士卻有不一樣的心情。「早排個女已經正式同嗰個男人離婚，自從BB出世後，佢都冇關心過兩母女，一啲責任心都冇，希望搞掂晒手續之後，個女可以重新開始。」
年紀輕輕的阿鳳，除要面對感情創傷，還要承擔照顧女兒所受的重重壓力。由於她居港未滿一年，現時只靠在港出生的女兒一份綜援金維生，就連房租亦不夠支付，遑論女兒的奶粉開支，阿鳳坦言不敢想太多，惟有見步行步。
蘋果日報慈善基金早前撥款一萬元予阿鳳母女暫度難關，近日另將善長捐款合共三千零五十元交予阿鳳簽收。「估唔到咁多人關心我同BB，呢啲錢我會用嚟買奶粉畀BB食，佢𠵱家有十磅重，幾日就食完一罐奶粉。」阿鳳談到可愛的女兒時總是笑逐顏開，暫且將煩惱拋諸腦後。
捐款編號：C0607
暖流熱線
電話：29908688
傳真：23702192
電郵：
網址：