國泰有一批「空中保母」專門喺航機上照顧啲六至十五歲、單獨搭飛機嘅小朋友。國泰喺新一期《國泰天地》向員工呼籲，徵求呢啲空中保母。國泰話，公司𠵱家有十七位「空中保母」，多數係啲機師嘅太太或者退休嘅同事。
去年，呢批空中保母就陪咗一千二百幾位小朋友一齊搭飛機；今年頭半年，佢哋都照顧咗八百四十幾位無成年人陪同嘅小朋友搭機。
國泰話，呢啲空中保母主要係照顧小朋友上機、用餐、落機、攞行李，甚至係一啲情緒問題，佢哋都受過訓練，每飛一次，國泰都會畀二千蚊同埋一晚酒店佢哋。各位讀者唔好諗話去應徵嘞，因為呢份優差只限國泰員工同埋佢哋嘅親屬。
傳真︰2623-9278
電郵︰