今年大紫荊授勳，連埋得金、銀、銅等紫荊星章者，中總會員佔咗二十九個，梁愛詩都係中總會員。
咁威風，中總當然唔放過機會，一於擺幾圍酒高興吓，連另一個大紫荊得主煲呔都一齊請埋。張菜單唔計單尾嘅荷葉飯同果盆，有五道菜。
記者被隔離到老遠，猛問兩位司長攞大紫荊開唔開心？兩個都笑住點頭，以口形答「開心」就算，氣都慳番。直到有人問詩姐覺唔覺得太遲得獎，佢仍笑住點頭，之後先驚覺搞錯，連忙澄清：「我冇講過（太遲）！」臨走記者問煲呔，阿松有冇請佢周五去補飲喜酒，佢馬上哈哈笑。
（圖）煲呔（左）、詩姐（右二）自己賀自己攞大紫荊，開心到笑不攏嘴。
傳真︰2623-9278
電郵︰