容祖兒（Joey）經理人霍紋希（Mani）日前接受新城《娛樂一早》節目訪問，Mani大談與旗下藝人Joey、陳奕迅（Eason）和謝霆鋒的關係。
對於被指一直對Joey疼愛有加，Mani表示每年花最多時間照顧新人，好像去年的Twins及今年的3T三小花。
Mani表示Joey由出道至今稱呼她做「媽咪」，她更自爆第一次見Joey的感覺是：「A字膊、冇頭髮、射『喱』眼，一隻眼鬥雞，一隻眼正常。可能佢當時重細個，不過佢唔介意我咁講㗎，因為佢都知佢個樣係咁，雖然佢唔靚，但係唔討厭，亦都有觀眾緣。好彩佢簽咗約後個樣愈來愈靚，可能有自信，內在美就散發出來。」