變身「日版雷宇揚」狂𢱑銀
平山綾撞得鬼多有嘢撈

現年十八歲的「撲水少女」平山綾，今年開始常在公開活動及電視節目中大談靈異經歷，她上月推出的個人DVD《IRIS》，更將其親身見鬼經歷拍成短片，大有意思化身少女神婆，做其「日版雷宇揚」。
在《IRIS》中，綾妹表示自幼已很容易見到神怪事物及外星人，她說：「喺我小學四年級嗰陣，我喺二樓間房度，突然見到一束粉紅光，跟住就見到一個身形好細嘅外星人浮喺半空！」

輪廓模糊
最近綾妹接受報章訪問時，又說：「我讀中一嗰陣時，有日夜晚喺學校體育館度，有個男人叫我陪佢一齊玩，佢個輪廓好模糊，但我清楚睇到佢係冇腳嘅，塊鏡照唔到佢㗎！」
直到最近，綾妹依然常與幽靈見面，她說：「前排我瞓覺時，俾一道光照醒咗，跟住我就見到有個人影摸我嘞！」其實綾妹的靈異經歷簡直多不勝數，原來她向來喜歡研究鬼神之說，更曾參與電視劇《學校怪談》及到台灣拍攝電視節目《係咪有鬼》。

主演日劇
綾妹的神婆形象深入民心，終於爭取到主演本月二十六日開始播放的NHK電視台神怪日劇《Locker裏的華子》，可見她十分有腦。