佘詩曼（阿佘）前晚在電視城錄影《吾係獎門人》，無綫安排與她曾傳緋聞的洪天明做其拍檔，兩人玩遊戲時，當眾做出不文姿勢，令人嘩然。阿佘又擺出誘人的S形甫士，但卻被主持曾志偉笑她天生誘惑異性。
緋聞女王佘詩曼前晚與洪天明、王合喜、梅小惠及阮兆祥，在清水灣電視城錄影《吾係獎門人》，由於阿佘與天明曾傳緋聞，故兩人便成為眾矢之的，一出場就被主持曾志偉取笑，志偉更連天明母親也用來做笑柄。
志偉介紹天明出場後即向對方說：「你介紹現任女朋友出嚟啦。」緊接出場的阿佘馬上高呼：「唔係呀，唔係呀。」但當天明玩遊戲，吃到有芥辣的壽司時，志偉又笑他：「你咁樣都係想阿佘斟杯水畀你飲啫。」
及後阿佘和天明玩「吾係大搜查」環節，志偉要求阿佘擺出一個引老公的誘人姿勢，結果她擺了一個S形甫士，志偉即譏笑她說：「根據專家分析，擺出呢個姿勢嘅，係天生誘惑異性。」當天明跪地拗腰，阿佘更坐在對方大腿上，姿勢頗為不文，令全場觀眾嘩然，二人最後勝出此項目。
天明在一環節中被罰用奶樽飲豆奶，但他竟咬爛奶樽上的奶嘴，天明也自嘲地說：「我飲奶係咁大力㗎啦。」志偉即取笑天明說：「唔怪得知你細細個就冇咗阿媽啦。」
對被志偉取笑天生誘惑異性，阿佘說：「佢哋話啫，邊係咁呀，如果真係就好啦，我同天明玩遊戲唔尷尬，要投入，遵守遊戲規則。」天明則說：「我預咗俾人玩啦，志偉講我阿媽，唔係太過份嘅嘢，得啖笑就算，唔介意嘅。」
採訪：卓寶花
攝影：何國豪