早排，本田以超值價推售Accord，錄得驚人嘅銷售成績，無不令人為之側目；有口痕友問亞Mark，繼Accord之後會幾時輪到部Civic呢？不過Civic有排都未到款尾，減價睇嚟就不切實際噃！但亞Mark最近收到風，話另一邊廂嘅三菱，亦可能留意到本田嘅奇招夠突出，故佢哋為刺激銷量，因而用上相近嘅招數，將部Lancer1.8Touring嘅包裝，套落部Lancer1.5版嘅身上，包括有尾翼、15吋合金胎軨、跑車式座椅、車內紫檀木裝飾、跑車化白表板等等，加埋套6前速+/-自動波，兼且重命名為Lancer1.5Touring，而車價則為$129,800，用作日常代步既慳油之餘，而且重有型入格，睇落又真係幾有瞄頭噃！