政府最近又推出新一輯宣傳香港的電視宣傳片,今次除咗搵名人外,重搵咗三個甚少出鏡的政界名人粉墨登場。其中包括一直好低調的立會主席范徐麗泰,而且重喺立會會議廳入面拍攝。
據知呢段宣傳片喺五月拍攝,而以往除咗為宣傳九五年立法局選舉,將會議廳拎過出嚟拍宣傳片外,今次係第二次批准喺會議廳拍宣傳片,亦係第一次拍非選舉宣傳。立法會可謂畀足面。
至於另外兩個就分別係「煲呔曾」同選管會主席胡國興法官。胡官一直甚少出鏡,聽聞今次應該係佢老人家第一次拍非選舉宣傳片。胡官算係唔話得!
傳真︰2623-9278
電郵︰