身兼行政會議成員、立法會議員及自由黨主席的田北俊（圖），成為立法會真正「樓王」後，八方昨日又見到佢嘅投資消息，今次係買股票。
據知，身為新世界中國非執行董事的田北俊，喺八月十二日用咗九萬九千元，買入六萬股「新中」，每股買入價係一元六角半。一個月前，呢隻股票重企在兩皮之上。
此外，田少喺上星期二（八月六日）一日分三次，買咗二十萬股新中，買入價平均係每股一元六角九仙。兩次夾埋，田少用咗四十三萬七千五百元，買咗二十六萬股。以昨日收市價一元六角八仙計算，田少持有嘅新中股份值四十三萬六千八元，暫時輸約一千蚊。
自從九九年新世界中國上市以來，田少已經係非執行董事，但一直無持有過新中既股份。佢呢兩個星期兩次買股，唔知有乜嘢啟示？
傳真︰2623-9278
電郵︰