近年開始興起無線鍵盤同滑鼠，加上價錢漸漸回落，好多用家為免一堆電線纏擾，都會選擇無線套裝，不過對於辦公室就唔係咁啱用，事關一般無線套裝，通常只提供三至五個頻道，家庭尚且夠用，換轉係辦公室用途就會出現互撞ID頻道嘅問題。
記者、攝影：徐影龍
天揚呢款RFWireless套裝首創2,048條頻道，最啱人多嘅辦公室環境之用。RFWireless套裝以Radio信號作硬件間連接，最遠傳輸距離達六呎，兼且冇紅外線制式嘅30度限制，接收器放喺邊都得，進一步節省桌面空間。
RFWireless套裝在鍵盤上加入不少快捷功能鍵，包括十個多媒體鍵，如一Click上網、一Click收電郵等，另外重設有一個CDPlayer控制台，除可一Click播放AudioCD外，亦支援MP3、DVD及其他多媒體檔案等，享受多媒體影音更為輕鬆自如。在售價上RFWireless套裝亦算抵玩，一套無線鍵盤加光學滑鼠，賣價$380，若選擇舊式滾珠式滑鼠，賣價更低至$230，在市場上比同類型產品更為抵買。
售賣點：康藝科技
地址：深水埗高登電腦中心1樓91號舖
電話：23079084