近年啲民間團體約見房屋署高官反映意見，會後少不免都會鬧房署「好官腔、唔接納居民意見」。不過，噚日民協主席馮檢基帶同七名成員，約見上任無耐嘅房屋及規劃地政局常任秘書長梁展文傾房屋政策問題後，一向「勞嘈」嘅基哥會後不但無大發雷霆，反而重發新聞稿話：「梁展文秘書長態度可嘉」，大讚佢有誠意、持開放態度聽取意見，同苗學禮年代嘅僵化作風唔同。
八方問基哥點解咁讚賞梁展文？基哥話，以前苗學禮只會以現有政策同佢哋拗，完全無意聽意見，但梁展文一開會就話佢無包袱，而且啱啱上任未掌握房屋政策細節，會聽取唔同意見，有時甚至質疑房署官員係咪政策有問題。不過，基哥補充話，梁展文咁開通相信同問責制無關，係佢本身性格開放。
傳真︰2623-9278
電郵︰