各大服裝名牌今季不斷追捧民族服飾，報紙上的明星、名媛紛紛以一身富特色的民族服飾亮相，身為升斗市民的我和你，要湊湊這股民族潮流，小記今次就有好介紹。呢個主要售賣二手衫嘅特賣場，場內就有一批剛到埗嘅民族服裝以$40發售，此外，還有最受年輕人歡迎的牛仔褲，兩者互相配襯，讓你用最超值嘅價錢就能迎合潮流。
記者：區佩嫦
攝影：周旭文
ImageGirl:Teddy
呢件來自越南的民族衫，以A字形的衫身，配上中袖設計，選用麻質質料，着上身甚為舒服，圖案帶有濃濃的民族感覺。
貨量：約50件
原價：$80
超筍價：$40
尺碼：5-8號
貨量：約100對
原價：$80
超筍價：$40
純白色的裙身配上碎褶的設計，少女味甚重，裙前更印上富民族Feel的線條圖案，襯番件小背心就最好不過。純白色的裙身配上碎褶的設計，少女味甚重，裙前更印上富民族Feel的線條圖案，襯番件小背心就最好不過。
貨量：約50條
原價：$80
超筍價：$40
同樣以麻質為主，款式則較為簡約，襟前的簡單繡花圖案，配上束袖及束腰的設計，穿上身給人灑脫的感覺。
貨量：約50件
原價：$80
超筍價：$40
想穿得有型有格，呢條用人造絲製成的Sarong短裙就最啱你。選用大膽的對比色彩，內裏不妨着條貼身牛仔褲或者原子褲，搶眼得嚟又夠青春。
貨量：約100條
原價：$80
超筍價：$40
一講Levi's，好多人都鍾意501，貪佢夠經典，今次老闆走出呢個經典框框，專攻已經無再推出市面嘅517。呢條絕版Levi's517，褲身以直腳設計，洗水色唔錯，不過最精采就係褲身的貓鬚，𠵱家二五折就買到，的確吸引。
尺碼：W24-42吋、L30-47吋
貨量：約100條
原價：$1,000
超筍價：$250
Levi's以絕版為賣點，而LEE就Sell靚色，好似呢條LEE，傳統嘅藍色，顏色夠晒靚，再加埋膝頭位的貓鬚，無論你係咪牛迷都一定會鍾意。
尺碼：W24-42吋、L30-47吋
貨量：約2,000條
原價：$800
超筍價：$200
睇咗咁多條牛仔褲，點可以唔介紹牛仔裙呢？呢條LEE牛仔裙，剪裁夠貼身，裙腳以V字尾設計，尺碼由23吋至38吋都有，夠晒齊全。除咗及膝款重有超短款式，不論你鍾情貼身、鬆身、迷你、又或超長裙款，你都可以喺度搵得到。
尺碼：W23-38吋
貨量：約2,000條
原價：$200-$800
超筍價：$40-$200
要全身民族Look的話，不妨襯埋呢對人字拖，鞋身包上麻布，人字帶則用麻繩編織而成，極富民族風味。除咗有啡色外，還有棗紅色選擇。
一身民族Look，無首飾配襯點得呢？你可以喺呢個特賣場順便掃埋平價手鏈。場內的手鏈有木鏈同珠鏈兩款，木珠仔來自越南，膠珠鏈則來自日本，兩款都咁靚。
貨量：約300條
原價：$20
超筍價：每條$12
買咗牛仔褲，當然要配番件繡上名牌的Worker恤衫先至型，今次呢批Worker恤衫大部份以直條為主，顏色多是粉藍色，設計夠簡單，男女合穿。真係有心買的話，不妨努力搵番自己個名先買。
貨量：約100件
原價：$170
超筍價：$80
PoloTee是長興款式，屋企個衣櫃又點可以無佢傍身呢？想平平哋買件襯吓衫的話，不如睇睇呢批二手PoloTee，款式同牌子都幾雜亂，由Polo女裝嘅MiniTee、Burberry到雜牌加大碼嘅款式都有，不妨花多少少時間同心機慢慢搵番件心水筍貨。
貨量：約300件
原價：$100
超筍價：$60
LAND特賣場
日期：8月15日至8月31日
營業時間：1:00pm-11:00pm
地址：旺角西洋菜街48號1樓
電話：23843475
＊收現金及EPS