名模陳嘉容（Eunis）昨日在中環太子大廈Chanel店，擔任化妝示範模特兒。Eunis穿上一件若隱若現的Chanel新裝，配上秋冬流行透明感極重的妝容。
昨日所見Eunis的頭髮長了不少，她說：「我特登留長頭髮㗎，我想等啲頭髮再長多三寸，然後就會赤裸上身影一輯頭髮啱啱長到遮掩胸脯嘅靚相，當做紀念，而另一個原因當然係想拍洗頭水廣告啦。」
談到近況，Eunis表示現忙於為快將出版的新書趕稿，她說：「本書𠵱家可能要下年先出到，為咗趕稿，我行show時成日喺後台密密寫㗎啦。本書嘅內容都係離唔開同讀者分享一啲美容扮靚貼士，為咗令本書吸引啲，我重考慮隨書附送禮物㖭。」