傅潔恩月底將在屯門大會堂擔正演出兩場芭蕾舞劇《仙凡之戀》，昨日她在記者會上表示今次演出對她來說很有意義，因為二十年前她演該劇時曾做小仙女角色，而且今次將是她告別芭蕾之作。
由香港芭蕾舞學會主辦的2002年夏季大型芭蕾舞劇《仙凡之戀》，將於月底在屯門大會堂公演。
昨日已故賭王傅老榕的孫女傅潔恩以該會會長身份，聯同劇中舞蹈員、名模歐陽妙芝和黃寶瑤等在灣仔新伊館出席記者會，傅潔恩更即場表演一段名為《林中相遇》的環節。
傅潔恩昨日表示《仙凡之戀》的演出對她來說別具意義，她說：「我做咗呢個會嘅會長已經九年，今年就係最後一年，另外今次係我十幾年以來首次嘅公開表演，亦同時係我嘅『掛靴』告別演出，所以我今次一定會傾全力排練演出，做到最佳嘅效果。」
傅潔恩續說：「呢個芭蕾舞劇對我重有一個特別意義，因為喺二十年前，我嗰時得十幾歲，已經以小舞蹈員身份演出同劇小仙女嘅角色，二十年後再演，今次就係做男主角嘅未婚妻。最大分別當然係我已經做咗人哋老婆同媽咪，個人重肥咗好多㖭，而且我好開心今次我老公（陳壽祺）可以睇我跳芭蕾舞，因為我同佢拍拖嗰陣我已經冇再公開演出，最多有時喺屋企發癲跳兩步咁啫。」
提到至愛的芭蕾舞，傅潔恩讚不絕口的說：「跳芭蕾舞除咗令身形優美外，對我嚟講重可以纖體，因為我生完個女之後要收身，我都試過練高溫瑜伽，但係我就嫌太辛苦啦，反而跳番芭蕾舞對收身成效重大。」