我肥師奶食過無數水果，偏偏就未試過呢款橙色果肉嘅蜜瓜，佢係祖國出產，今次無意中喺超市見到，見佢表皮同一般蜜瓜色澤分別不大，但原來內裏嘅果肉係橙色，而且Size亦比正常蜜瓜嬌小，一個只有四磅多，因為價錢又唔貴，所以就買個返去試，味道又唔錯，甜美多汁，食味較正常蜜瓜更濃，瓜瓤亦較少，果肉軟腍中又帶爽，唔錯嘅選擇，雪凍食更消暑。
海黃腳鱲唔係時時都買到，所以大多數時候都係買到冰鮮黃腳鱲。黃腳鱲最當造嘅時間係冬天，嗰時買到嘅黃腳鱲可以大到成斤重都得。而夏天買到嘅就係細條黃腳鱲。細黃腳鱲比起大條時其實更抵食，事關都平成一半㗎。呢啲黃腳鱲約五至六両重，細細條但肉質鮮甜，用嚟清蒸就最原汁原味。
文：肥師奶