嘉碧儀在港姐中雖未能殺入三甲，但無綫已計劃力捧她，想不到其弟嘉業榮亦因長得高大英俊，受東方魅力公司和英皇旗下唱片公司賞識，但嘉碧儀指其弟要返美升學，暫無意入娛樂圈。
應屆「最上鏡小姐」嘉碧儀之弟嘉業榮，自從在港姐決賽當晚亮相後，不少圈中人都大讚他英俊不凡，東方魅力娛樂公司和英皇旗下的MusicPlus都對嘉業榮很感興趣，有意邀請加盟，希望將他捧成新一代偶像。
嘉業榮身高六呎，是班中的高材生，且屢獲獎學金，條件的確甚佳，昨日記者向東方魅力經理人部門的鄧小姐求證，她說：「我哋的確對嘉業榮好感興趣，同時亦聯絡唐麗球，希望佢可以畀業榮簽我哋公司，但佢話業榮未讀完書，咁我哋都唔會勉強。」
作為嘉氏姊弟阿姨的唐麗球昨日接受電話訪問，她說：「業榮今年二十一歲，佢喺美國費城讀機械工程，佢講中文冇問題，但就唔係好識睇中文。佢過幾日要返美國讀書，𠵱家讀緊大學三年級，我諗未完成大學課程之前，佢唔會諗喺娛樂圈發展嘅事。」
嘉碧儀昨日談起胞弟受圈中人賞識，她在電話中說：「細佬重喺求學階段，喺學業未完成之前，佢係唔會出嚟做嘢，其實我知道佢對喺娛樂圈發展唔係咁大興趣。」