陳慧琳（Kelly）上月舉行個唱，其中唱快歌部份被爭論有咪嘴之嫌，昨日Kelly透過經理人公司就此事發表聲明，她表示用了兩個月時間為個唱綵排，瘦了十磅，目的只為做一個盡善盡美的演唱會，但近日不斷出現有關咪嘴的報道，實在令她不吐不快。
陳慧琳昨晚表示：「為避免Headset移位而出現撞咪、大細聲和噴咪情況，我哋專程喺外國請一流音響設計師嚟香港，佢建議我學外國演唱會做法，綵排時將快歌演唱部份收錄一次，正式演唱時，一方面我戴上的Headset會收入即場嘅歌聲，另一方面之前綵排時收錄嘅聲帶會用嚟襯底，兩條聲軌同時出現，當發生撞咪情況音響師會推高襯底音樂，但估唔到想專業換嚟唔專業。
「聽到呢個報道，其實第二場我已經放棄兩條聲軌做法，我並非一個愛偷雞嘅歌手，所以此事非澄清不可。」