於年前才推出新一代版本嘅平治CL跑車，最近廠方又為其推出改良版，新車造型雖沒有多大改動，但頂級CL600一台5.5公升V12Biturbo偈所迸發出嘅500匹馬力，令新車變得更具吸引力。
相信最多人留意嘅，會係頂級CL600改配一台5.5公升V12Biturbo引擎，馬力輸出達500匹，起步加速較前敏捷得多；而跑車化嘅CL55AMG則配用5.5公升V8Supercharged偈，馬力輸出同樣係500匹，但扭力輸出高達71.4kgm㖭。同時，新車更備有ActiveBodyControl及PRE-SAFE安全系統，以確保行車穩定性，及車上乘客安全。
造型雖沒有大幅修改，但闊大嘅頭燈面積加上Bi-Xenon配搭，可有助增強照明度，襯以經改良嘅頭泵把，望落倍添有一份動感；車內中控台嘅控制鍵亦經重新設計，務求令人有方便易用之感。新車將於今年秋季推出，未知香港代理會否引入呢？