苦瓜雖苦，但清熱功效甚佳。如果大家都好似我啲仔女因為怕苦而抗拒食苦瓜嘅話，都唔緊要，家陣部份雜貨舖有一種苦瓜乾嘅現成貨出售，可以作為泡水飲，功效同食苦瓜一樣，只係食法簡單咗，同時乾貨味道亦無新鮮苦瓜咁苦，更容易被人接受。血壓高或有糖尿病患者，聽講多飲苦瓜乾茶嘅話，有助降壓及治療糖尿功效㖭！
$3/両
部份雜貨舖有售
珍珠提粒粒爽脆清甜，而且細細粒兼又無核，容易食夠方便，難怪佢咁受歡迎，即使一小串要幾十蚊有人幫襯。我講嘅係日本珍珠提，早兩、三年前，日本貨認真揦脷，不過自從有中國進口貨後，日本珍珠提都要略為調低價格，但始終都唔及祖國新疆珍珠提抵食，一份約一磅重只係十蚊有交易，味道無咁甜，但就夠脆口，反而更勝來路貨㖭！
$10/份
部份果檔有售
以前的保鮮膠盒只是簡單一層，沒有什麼特別功能。但𠵱家出品嘅保鮮膠盒嘅設計就完善得多。好似呢兩套同款唔同大小嘅膠盒，內層都多加了一個通窿嘅膠架，特別方便擺放啲會出水嘅食物如豆腐，而且將豆腐連架攞出來切就更不怕易撞散。此外，這些保鮮盒皆可放入微波爐加熱，充當迷你蒸籠的功能。
$10/套
銷售點：吉之島十元廣場
地址：銅鑼灣京士頓街9號家居廣場1樓