萬事得部全新Demio經已響日本正式曝光，果然較舊款要來得有型同靚仔；而據亞Mark所知，早前代理一班高層更遠赴日本試車㖭！事後佢哋都對部新款Demio有好高評價之餘，重信心十足咁話。之不過亞Mark聽聞，當中一款軟摺篷頂型號，未必可趕及響今年底前，能夠跟其他Demio一齊亮相香港喇！若然屬實的話，相信會令班Fans有點失望，惟有耐心多等一會啦！至於話最有機會打入香港市場嘅Demio，會係其中一款1.3公升版本，話晒呢級車慳油好力，好啱代步用之外，車價相信亦會好吸引，以𠵱家嘅市場估計，新版Demio大概會響11萬內定位，相信10月就會揭盅喇！