志偉爆完肚爛醉如泥

為港姐決賽擔任司儀的曾志偉，前晚在節目上不避嫌地重提扑頭事件，又取笑陳百祥（阿叻）因為黃杏秀（秀姑）不能生育，所以要找鍾麗緹和張慧儀幫忙。
前晚港姐慶功宴上，志偉坦言一切是臨時爆肚，他說：「做藝人要識講笑同俾人笑，我唔介意，俾人當面講好過背後講。我都笑嘟嘟（鄭裕玲）有愛冇性等於絕症啦。」

「加菲貓抱抱」
志偉在節目中表示季軍15號胡家惠能打入五強已十分困難，似有暗寸胡家惠之嫌，但志偉否認說：「唔係，我只係睇到賽果好激動啫，因為我一直以為三甲會係11號林敏俐、19號左慧琪同20號嘉碧儀。」
及後志偉在慶功宴上飲到酩酊大醉，離開時要由兩位大漢扶持，還念念有詞在「猜枚」：「加菲貓抱抱。」然後舉起中指向記者做粗口手勢。