電影《夏日冬蔭功》在泰國取景，演員包括張達明、齊芷瑤及兩個新紮美少女張碧珊和殷曦。
兩位新晉美少女在新戲內大騷身材，殷曦曾參加亞視的夏日陽光美少女選舉，她在戲中跟梁漢文飾演一對戀人，她說：「第一次拍笑片，好好玩，因為喺泰國取景，好多時候要着泳衣，因為我個角色比較斯文，所以我只係着兩件頭泳衣，其他女仔就着三點式，不過咁樣反而令我更加突出。」
另一位美少女張碧珊曾經做有線的世界盃WorldCupAngel，可能因為她身材突出，在泰國曾經被人博懵。
張碧珊說：「嗰次我哋成班人去的士高，我去廁所嗰陣，突然有個人摸我個背脊，我即刻轉頭睇吓係邊個，點知就唔見咗人。」