蘇永康昨日傍晚離開土城台北看守所，圈中藝人都替他高興。
李彩樺昨日出席活動，得知康仔的消息後表現得很開心，她說：「好！好！好！其實我一直好關心佢呢件事，希望佢冇事，我之前求過觀音，結果都係話佢冇事，咁我都放心啲。我平日都有打電話畀uncle（蘇永康暱稱）問候佢，我會支持佢，佢係一個好好嘅師兄。佢返到嚟同我見面嗰陣，我一定會買個蛋糕同佢慶祝吓。」
與蘇永康同公司的方力申則希望和康仔合作，他說：「我同佢同一間公司，見面嘅機會當然多，呢個係好消息，希望佢快啲投入工作，唱好啲歌，我都想有機會同佢合作。」
陳奕迅（Eason）昨日由馬來西亞回港，記者告訴他有關蘇永康的消息，Eason即高興地說：「咁咪好囉！」但他不肯正面回答會否致電蘇永康問好。