方力申近來除忙於綵排舞台劇外，更積極地練水，準備下月代表香港泳隊參加亞運會。他昨日表示，近日因為經常游水，泳池中的氯氣引致腳毛脫落，他更擔心眼眉毛再度「失去」，現時已用眉毛保護乳液護理。
方力申、李彩樺、王秀琳和黃伊汶昨日往尖沙嘴出席港台活動，他表示近日除忙於工作外，還要為迎戰亞運會積極練水，但他擔心毛髮再次脫落影響出鏡。
方力申說：「泳池嘅氯氣好容易刺激到啲毛髮，所以入行初期甩晒眉毛，好似冇眉人，出鏡前要畫眉。後期少咗游水，身上嘅體毛，好似腳毛、手毛同腋毛都多番好多。我已經不停游水一個月，腳毛都開始有斷落嘅情況，我怕眉毛會再甩，所以經理人都幫我買咗『生長刺激保護乳液』畀我搽。好驚㗎﹗我怕上鏡唔靚，藝人個樣好緊要嘛﹗」
另外，李彩樺在活動上玩剪紙手藝時，想起小時候曾多手剪自己的頭髮，把前額頭髮剪得參差不齊，惟有哭着向母親求救，從此留下「童年陰影」，現在剪髮時也會眼泛淚光。
此外，有報道指王秀琳戀上無綫導演李和權，搬屋之餘更飛起姊妹與男友同居，她說：「有相為證先好講，我新牌仔（揸車）唔識路，有人指點吓好正常。我啲姊妹係嫌新屋遠先唔同我一齊住。」
採訪：王連連
攝影：仇志德