許志安昨日三十五歲生日，前晚他做完港姐決賽表演後出席慶功宴，其經理人黃柏高送了一支價值七千多元的八二年Lafite紅酒祝賀他。之後安仔到了友人家中開燒烤會慶祝，但不見其女友鄭秀文的蹤影，有說安仔和鄭秀文的戀情，最近又起變化。
許志安昨日三十五歲生日，前晚他做完港姐決賽表演，便到尖沙嘴香格里拉酒店出席慶功宴，他的經理人黃柏高即席開了一支八二年Lafite法國紅酒賀他。安仔表示該支紅酒值萬多元，但記者致電到酒行問價，現時八二年Lafite約售七千多元。
最近有說安仔和鄭秀文（Sammi）的戀情又起變化，記者前晚問安仔生日會否與「好朋友」一起慶祝，安仔明知記者所指的是Sammi，他卻笑說：「我啲好朋友喺台灣喎！今年唔搞生日慶祝啦！」問Sammi會否送廚櫃給他，安仔尷尬地說：「邊有咁核突，佢有冇送生日禮物畀我，我都唔會話畀你哋知。」
安仔雖然聲稱沒有搞生日派對，但前晚港姐慶功後，他驅車到加多利山一位好友家中搞燒烤會賀生日，其好友吳國敬和歐陽德勛亦有到場，女友Sammi則仍不見蹤影。
不過安仔前晚似乎玩得很開心，凌晨四點才離開。離去時安仔一身酒氣，但他不忘向記者說：「你哋唔好寫我飲醉酒，今晚好開心，收到好多禮物，有手提電話、手提電腦，歌迷又送生日蛋糕，其中一個fans連中咗三個半字嘅六合彩都送埋畀我，所以今年生日都幾難忘。」
此外，安仔昨日接受商台《樂人谷》節目訪問，談到他有否為下一代着想過？安仔坦言：「我都有諗㗎，但𠵱家時代唔同，我係想結婚，但係我又覺得呢個時代唔結婚都得，最緊要開心啫，我都好enjoy現狀呀！」
採訪、攝影：娛樂突發組、王崇穎、楊潔雯、陳志嵐