上海策略置地（164）經過月初細價股風雲後，仍夠膽進行配股。
雖然復牌後一度急跌，但因為後台夠硬淨，股價重頂得住，浮沉一輪之後，上周五又掃返上去，升7.76%，收23.9仙，成交有成1308萬元。
經紀陳話，今次配股嗰手貨，街外人相信已沽得七七八八，睇怕都貨源歸邊，若要郁手炒作應該唔難，只係唔知為咩要喺咁差嘅市況炒作。
幾乎全行都知呢隻股有條大陸水照住，重成日傳出會搞大茶飯，但由今年初至𠵱家，大大話話炒咗幾十轉，批股或者批認股證抽水都好幾次，但就偏偏未見傳聞中嘅大茶飯出現，唔知係時機未到，抑或係有其他原因。
不過，隻股月頭以0.218元批股，集資金額有成1.17億元咁多，遠較以往抽水金額為多，睇嚟呢條大陸水真係唔可以睇小。
慕容小初