前港澳辦主任魯平媳婦姚珏，前晚與她天才音樂學院的學生，於中央圖書館演講廳舉行創校以來首次師生音樂會，而她的好友、灣仔區議會主席林貝聿嘉亦出席支持。
姚珏在演出前，表示十分緊張，她說：「今次係學校學生首次公開表演，佢哋年齡由四歲到十幾歲都有，所以好有意義，雖然好辛苦，但好rewarding（收穫），月中我重會帶部份學生返上海表演，會同小提琴家帕爾曼共同演出。」
姚珏回憶當年首次表演時說：「當年我只得七歲，根本唔想上台表演，係我爸爸推我上台，至於今日我會同啲學生講，要多練習先可以上台表演。」此外，姚珏還透露其四歲多女兒魯昕對小提琴的天份甚高，她說：「再過多一個月，我會搵老師教佢（指女兒），因為老師會比較嚴肅。」