雖然話物價下調，好多產品嘅價格真係平咗好多，但絕對諗唔到$8居然可以買到一個靚靚手袋。今次介紹嘅手袋倉位於深水埗，倉內所有手袋均出口到日本及歐洲等地，款式同質素都有番咁上下，全場約有800多個手袋，價錢由$8至$48不等，不妨入場睇睇！
記者：區佩嫦 攝影：林栢鈞 ImageGirl：邵茜
今次開倉，$8一個的手袋，款式和質素絕對唔差，好似呢批斜孭袋，Size的的骰骰，出街Shopping就最啱用。斜孭袋備有三款質料選擇，分別是光身人造皮、皺紋皮及麖皮，而顏色選擇亦十分多，有黑色、紅色、紫色、綠色、啡色及橙色等，絕對令你眼花撩亂。
尺寸：25cm高、18cm闊
貨量：約150個
開倉價：$8
嫌人造皮老氣橫秋的話，不如選擇這個尼龍製的手袋，袋身呈梯形狀，設計簡約，不過略嫌體積較細，啱啱放得落手電、銀包、鎖匙等雜物，備有紅白兩色任君選擇。
尺寸：24cm高、36cm闊
貨量：約20個
開倉價：$8
今年大熱民族Look，想跟潮流，不如平平哋買呢個珠仔袋玩吓。佢嘅Size細細，連銀包都未必放得落，不過勝在手工精細，全個袋的珠粒均以人手縫製，配上顏色線紋圖案以及鏡片作點綴，作裝飾掛在身上亦是不錯的選擇。
尺寸：12cm高、12cm闊
貨量：約30個
開倉價：$8
這個充滿夏日色彩的手挽袋，是小記的心水推介，全個袋用柔軟的棉布製成，質地輕巧，袋上印有青蘋果圖案，配上黃色手挽及綑邊，夠晒搶眼奪目，袋前更有紅白蝴蝶結點綴，絕對是人見人愛款式。除咗青蘋果外，還有紅蘋果以供選擇。
尺寸：38cm高、35cm闊
貨量：約10個
開倉價：$38
鍾意較Lady的手袋款式，呢個係不錯的選擇。袋身用上棉布製成，袋面以桃紅色、粉藍色及喱士設計成斜間圖案，添上不少少女色彩，備有粉藍及粉紅兩色，兩者顏色柔和，是襯衫的不錯選擇。
尺寸：37cm高、35cm闊
貨量：約50個
開倉價：$38
呢個側孭袋，選用牛仔布、棉布及人造皮配搭而成，顏色鮮豔，質地柔軟。袋內另備有較長的肩帶，可自行更換變成斜孭或側孭袋。除了藍色外，還有極搶眼的紅色。
尺寸：40cm高、29cm闊
貨量：約100個
開倉價：$38
這個紅色格仔袋充滿濃濃的書卷味道，袋身用尼龍及人造皮製成，質地輕巧，肩帶可隨意調校長短，是襯牛仔褲的最佳選擇。
尺寸：16cm高、30cm闊
貨量：約30個
開倉價：$38
夏天怎可少了豔麗的花卉圖案呢？這個以花形圖案作為主題的側孭袋，便最能迎合炎炎夏日。棉布的質料配上人造皮，袋身可放A4文件，袋口設有拉鏈，夠晒穩陣，學生哥不妨買嚟當作書包返學使用。
尺寸：53cm高、28cm闊
貨量：約30個 開倉價：$48
要襯一身夏日裝束，呢個白色的手挽袋就最啱你。袋身用布製成，袋的底部及手挽位則用上人造皮，兩者配搭得宜。呈長方狀的袋身配上圓圓的手挽，襯牛仔褲就最好睇。備有白色、黑色及啡色以供選擇。
尺寸：30cm高、42cm闊
貨量：約20個
開倉價：$48
這個手袋用人造皮製造，袋的前幅縫上小扣作點綴，簡單中見心思。此外，小肩帶可孭亦可作手挽，一袋二用，夠晒方便，備有黑色及杏色選擇。
尺寸：35cm高、36cm闊
貨量：約15個
開倉價：$48
這個漂染而成的側孭袋，圖案及顏色配搭極像一幅抽象畫，牛仔布的質料配上閃紫色的孭帶，是穿着牛仔褲的最佳配搭。
尺寸：28cm高、25cm闊
貨量：約30個
開倉價：$48
開倉資料：盈豐貿易公司
開倉日期：即日起至8月17日
營業時間：11:30am-7:30pm
地址：深水埗黃竹街10-10A號2樓A室（近福華街）
查詢電話：27882268
＊只收現金