呼拉圈可以用嚟減肥健美係人都知，但原來一大班小朋友一齊玩呼拉圈，場面都非常壯觀！一百位進入咗「回到父母少年時──兒時玩意挑戰盃2002」嘅小朋友，噚日喺呼拉圈健力士世界紀錄保持者LoriLynnLomeli帶領下，齊齊喺青衣城扭動小腰，將個呼拉圈猛咁擰。
唔講唔知，呼拉圈嘅英文叫HulaHoop，原來因為佢嘅扭動姿勢酷似夏威夷嘅草裙舞TheHula而得名，而呼拉圈喺一九五八年先面世，但一推出已大受歡迎。據非正式統計，至今用嚟做呼拉圈嘅膠料，已經足夠環繞地球五圈，可想而知佢嘅受歡迎程度係幾厲害。
（圖）一百名小朋友在青衣城齊玩呼拉圈。 區民傑攝
傳真︰2623-9278
電郵︰