名模Rosemary男友Gordan前晚為一個派對擔任DJ時，表示希望短時間內與女友結婚。Rosemary昨日在葵芳新都會廣場行騷時，對此表示行動遠比說話重要，並重申現階段會把事業放在第一位。
名模Rosemary昨日聯同AnaR.、LisaS.及新一代啤妹黃琛瑜，在葵芳新都會廣場演出fashionshow，而AnaR.及LisaS.則壓軸出場。
前晚Rosemary男友Gordan在Moon餐廳的派對上任DJ，問他與Rosemary感情生活如何時，他說：「Stillgood，雖然我哋各有各忙，但都會盡量每日見面嘅。」問他何時與Rosemary結婚，他說：「係都唔係𠵱家，不過希望唔好太耐。」
昨日記者將Gordan表示希望在不久將來可與之結婚的心意，轉告Rosemary，她對此說：「呢啲咁個人嘅事，我唔會同第二個人講，就算細佬都唔會，更加唔需要公開講，而且我覺得行動比說話更實際。」她續說：「我重好後生，我諗過會喺三十歲先結婚，𠵱家都係專注工作先。」
至於Rosemary母親Julie聽到Gordan的一番結婚言論，即說：「Crazy，係都唔會咁快啦，個女𠵱家應該以事業為重，況且佢哋兩個都係細路仔，好應該諗清諗楚，萬一將來後悔點算。」記者問若一對小情人堅持，她又會否反對？她說：「如果係咁，你話我可以反對咩？」
此外，新啤妹黃琛瑜昨日表示將接拍王晶的《強姦5》。