鍾鎮濤前晚為太極成員鄧健明的音樂會高歌一曲，為本月底的兩場個唱備戰。談到陳慧琳在個唱演出時咪嘴，阿B認為只是科技上的幫忙，但他則保證在自己個唱中，會全部唱live。
鍾鎮濤（阿B）在申請破產後仍積極搵錢，本月底他將開個唱，前晚阿B便抽空到九龍灣展貿中心，出席太極樂隊成員鄧健明（Joey）的小型音樂會。
阿B前晚僅唱了一首歌，事後他笑說：「想聽我唱歌，月尾可以睇我嘅演唱會，今次我係嚟支持Joey嘅。」
阿B個唱暫定開兩場，日前他到通利琴行買樂器時，順道了解個唱門票銷售情況，阿B說：「職員同我講話反應都唔錯，我聽到都幾安慰。喺演唱會入面，我主要會唱舊歌，又會吹色士風，所有歌都會唱現場。不過最近有人議論Kelly（陳慧琳）演唱會有啲快歌冇唱live，我覺得佢嘅演唱會就好抵睇，其實好多外國歌手要應付跳勁舞唱快歌時候，好多時會選擇唔唱live，呢啲叫科技上幫忙，呢個情況係好普遍。」
Joey近日出新碟，前晚的音樂會除獲阿B撐場外，鄧健泓、LMF和太極樂隊部份成員亦有到場「聲」援，Joey說：「今日好開心見到太極嘅兄弟們拖男帶女嚟捧我場，出年就係太極二十周年紀念，到時太極七子會再出紀念碟。」
採訪：胡比
攝影：黃文成