現年二十一歲的日本性感女星小池榮子，現正忙於演出處女舞台劇《LiarGirl》，不過最近有傳該劇的四十六歲原作者兼演員Lasa-r石井，其實希望透過今次合作而親近小池榮子，並向這位偶像展開追求。
據日本報章《東京Sports》報道，年紀比小池榮子大二十五年的Lasa-r石井，以往曾公開表示自己是榮子的超級fans，早前石井擔任由榮子主持的電台節目時，主動提出合作搞舞台劇，榮子一口答應，石井便埋首為她度身創作劇本，並一同演出。
一名出版社工作人員爆料說：「石井呢排好開心，因為佢綵排時，日日都可以見到小池榮子。佢重打算舞台劇完咗之後，約成班工作人員去海邊或溫泉區度假同睇煙花，開始佢嘅集體約會作戰計劃。」
該名爆料人士又說：「石井幾年前有老婆嗰陣，曾經傳過同個高過佢嘅二十九歲女人搞婚外情，睇落小池榮子都幾似嗰類型嘅女人。而小池榮子除咗鍾意摔角手外，重鍾意頭腦靈活嘅男人，年紀大啲都冇問題，石井都算係佢鍾意嘅類型。」
不過，外界卻認為石井追求榮子未必會有好結果，因為榮子所屬事務所的社長，經常貼身監管旗下女星私生活，以免傳出緋聞。