▲17號劉若莉雖在準決賽時已被擯出局，可是伊人仍十分有體育精神，昨晚親往紅館捧場，前來支持其他參賽者。身材甚佳的她以盛裝赴會，大為搶鏡。劉若莉在落選後，已率先得到無綫安排在遊戲節目《吾係獎門人》任獎品小姐。
▲八四年港姐季軍唐麗球是20號嘉碧儀的阿姨，她昨晚特別同母親到場為姨甥女嘉碧儀打氣，唐麗球表示，十二位準港姐，除了看好姨甥女外，她還說：「我覺得11號林敏俐同19號左慧琪都好好。就算嘉碧儀得唔得到獎都冇所謂，佢之前都攞咗好多獎，我唔會畀太大壓力佢。」
▲港姐司儀鄭裕玲昨晚重提曾志偉去年遇襲，被打傷額頭一事，她問志偉可知誰人打他，志偉說：「問題係佢冇認，佢又唔係好似康B咁自首，不如當上面掟個花樽落嚟算啦！打我嗰個人重話：『打你個英女皇！』都儍嘅，咪當俾狗咬，怪豬怪狗都唔怪佢。」而陳百祥則謂打志偉的人會下半身癱着度餘生。
▲陳慧珊昨晚為無綫港姐決賽任表演嘉賓，她的舞姿很有SM的味道。而郭羨妮跟馬浚偉則負責表演拉丁舞。雖然穿上性感吊帶舞衣的郭羨妮和馬浚偉都練習了一段頗長的時間，可是二人昨晚的演出表現生硬，尤其是馬浚偉跳起舞來，動作恍如機械人。馬浚偉更有一個動作是穿過郭羨妮胯下，為台下的觀眾帶來不少的歡笑聲。