今日為大家推介嘅二手車，可以稱得上適合不同用家嘅需要；先嚟一部2001年奧迪A43.0Quattro，佢唔單止有全車包圍、豪華車廂布局及出色性能表現，叫價亦僅為$320,000，實在超值。另外，豐田各陳列室亦有抵買陳列室試車值得大家考慮，其中一部2002年Corolla豪華版，設備齊全吸引之餘，行車里數低兼未出牌叫價$133,900，實為家庭車用家首選車款。
記者、攝影：黃凱穎
車輛提供：奧迪——合迪汽車（27554529/27537701）
豐田——皇冠汽車（28661020/24774286）
二手叫價：$320,000
引擎容積：2976cc
傳動：自動波
顏色：灰
製造年份：2001年
首次登記年份：2001年
牌費：2002年9月
行車里數：20,036km
配備：Xenon頭燈、全車包圍、尾翼、合金胎軨、雙出式尾喉、真皮座椅、原廠冷氣、高級音響、桃木裝飾及安全氣袋。
短評：若然你正想買番部有型又有款嘅歐洲房車的話，呢部裝有全車包圍嘅奧迪A43.0Quattro就一定啱晒你；佢除有跑車化嘅包圍套件之餘，車內更備有仿桶形座椅及豪華車廂布局，加上3.0公升引擎嘅澎湃動力輸出，定能令你對其為之心動。
二手叫價：$133,900
引擎容積：1497cc
傳動：自動波
顏色：藍
製造年份：2002年
首次登記年份：未曾在港登記
牌費：未曾在港登記
行車里數：3,000km
配備：合金胎軨、真皮座椅、原廠冷氣、高級音響、桃木裝飾、天窗、半皮半桃木軚環及泊車感應器。
短評：呢部屬陳列室試車嘅Corolla豪華版，可謂與新車沒有兩樣，不但外觀、車廂及機件皆有不錯嘅保養外，再加埋有齊各項豪華裝備、泊車感應器及6碟CD機等等，可謂十分超值；最緊要係車價較新車便宜一萬多元，實為家庭車用家首選。
二手叫價：$106,000
引擎容積：1299cc
傳動：自動波
顏色：銀
製造年份：2002年
首次登記年份：未曾在港登記
牌費：未曾在港登記
行車里數：500km
配備：合金胎軨、原廠冷氣、高級音響、雙天窗、雙安全氣袋及ABS連EBD。
短評：雖然呢部EchoVerso豪華版嘅陳列室試車，價錢較新車只便宜數千元，但勝在咪數極少，狀態有如新車一樣，而敞大雙天窗及闊落車廂空間，更係其過人之處；出車前更已由代理維修部作詳細檢查，買家大可放心。
二手叫價：$138,000
引擎容積：4172cc
傳動：自動波
顏色：藍
製造年份：1995年
首次登記年份：1996年
牌費：已過期
行車里數：84,056km
配備：合金胎軨、天窗、真皮座椅、原廠冷氣、高級音響、安全氣袋及防紫外光車窗。
短評：A8屬奧迪旗艦級車系，除有極為闊落嘅車廂空間外，設備又見齊全易用；加上一台4.2公升引擎匹配Quattro四驅系統，其操控表現更可稱得上係同級之冠。
二手叫價：$340,000
引擎容積：2771cc
傳動：自動波
顏色：銀
製造年份：2000年
首次登記年份：2001年
牌費：2002年7月
行車里數：29,498km
配備：Xenon頭燈、合金胎軨、天窗、真皮座椅、原廠冷氣、高級音響、桃木裝飾、天窗及泊車感應器。
短評：A6為近期不少年輕用家嘅追捧對象，除造型吸引突出之餘，闊落兼豪華嘅車廂布局，同埋此車一台2.8公升引擎，所迸發出嘅強勁馬力輸出，亦為賣點所在。最重要係此車備有原廠保養，狀態有如新車一樣。
二手叫價：$30,000
引擎容積：2598cc
傳動：自動波
顏色：灰
製造年份：1995年
首次登記年份：1995年
牌費：2003年3月
行車里數：49,288km
配備：合金胎軨、真皮座椅、原廠冷氣、高級音響及桃木裝飾。
短評：喺大家眼前嘅呢部奧迪80，可稱得上係絕版款式，外形及車廂鋪排，亦較現有奧迪各車系來得成熟；但以3萬嘅價錢就可以擁有，一部內外保養甚佳嘅奧迪房車，都稱得上係抵買㗎。
據合迪汽車二手車部經理歐陽先生表示，佢哋嘅宗旨係將奧迪車主嘅二手車，以一個合理嘅價錢售予新車主，故此車價方面叫價唔會太高，而所有二手車都會有行車及維修紀錄；另外，每部收回嘅奧迪二手車，除有原廠技師為其進行檢驗及維修外，當客人試車時，如對該車嘅機件有不滿地方的話，佢哋會跟足顧客要求而作出調校，確保令客人買到一部完全滿意嘅奧迪二手車，兼且重可以繼續該車原有嘅保養㖭。然而，合迪汽車亦會為選購二手車嘅客人，安排保險及財務等事宜㗎。