蘇永康昨日在土城台北看守所內參加「反毒卡拉OK比賽」上台高歌，台灣副總統呂秀蓮聲言欲邀康仔任台灣反毒大使，對此盧巧音坦言台灣此舉不知是真心還是諷刺。而康仔經理人黃柏高則表示要了解詳情，才決定是否接受呂秀蓮的邀請。
蘇永康昨日在土城台北看守所表演，高歌三曲，台灣副總統呂秀蓮親臨現場欣賞，呂秀蓮還表示想找康仔任台灣反毒大使。
蘇永康的經理人黃柏高昨日接受電話訪問時表示，尚未收到台灣副總統呂秀蓮欲邀請康仔任台灣反毒大使的消息，黃柏高說：「如果到時真係邀請康仔做，我哋先再作研究，了解多啲先講啦。我只知康仔表演嘅活動，氣氛好溫馨，台灣副總統都嘉許佢。」黃柏高又表示現時律師每天都有往探望康仔，康仔在看守所內生活正常。
對於呂秀蓮欲邀請康仔任反毒大使，康仔好友盧巧音昨日在荃灣出席活動時說：「呢種可能係台灣人嘅做法，咁做唔知真心定諷刺，我都係唔方便講太多，總之康仔係好有勇氣嘅人，希望佢二十五號可以出席香港個騷。」蘇永康另一好友何韻詩昨日往鴨脷洲出席活動時說：「希望所有歌手唱好啲歌，為群眾服務，一齊努力。」
另一邊廂，白韻琴曾在港受過牢獄之苦，她對於康仔在台北看守所受呂秀蓮嘉許及邀任反毒大使，表示他們只是在做騷，白韻琴昨日在電話中說：「政治人物宣傳係用呢啲手法，康仔就係wewet壯年，佢背住老婆去吸毒，重唔係wewet壯年？佢同呂秀蓮碰上簡直係絕配，天造地設啦，一齊搞公關增加大家知名度。」
白韻琴繼續說：「我都唔明點解啲人話康仔去勒戒係勇敢，佢做錯事入去係應該㗎，你估佢想去呀？佢當初驗埋尿都講大話，話自己冇食搖頭丸啦，啲人埋沒良心先話佢勇敢。」