我喺之前嗰幾日教大家按摩頭部、肩膊、背脊同豐胸嘅穴位，大家係咪已經掌握到箇中嘅技巧，重搵到個好朋友做你嘅試驗品呢？
今日係我嘅最後一堂，會教大家腳底按摩。第一個步驟係將對腳浸喺溫水度，等腳部放鬆，然後可以為腳趾公做按摩，呢個部位嘅穴位主頭腦（見附圖），多按呢個穴位，除咗頭腦精明啲外，記憶力都會增強。
而腳板底中心嘅部位就主腎臟，第二同第四隻腳趾上嘅穴位分別主眼睛同耳朵，有明目同清晰聽覺嘅功效。腳踭部位就主生殖腺，男方多按對睪丸有裨益，而女方則可調理卵巢。 （五之五）
明日預告：向海嵐
口述：苑瓊丹 筆錄：比華利
攝影：陳偉權 示範：岑寶兒
場地提供：扶元堂穴位治療按摩中心