奧迪TT憑住獨特吸引嘅造型，以及突出性能表現而備受車迷追捧，但推出至今已有多年時間，或許會予人有看膩之感；最近外國方面就有消息傳出，謂廠方正有意為TT推出Facelifted新版，快者更可望於2005年推出㖭。
從預想圖中可以睇到，新車造型與廠方早前於各大國際性車展上，所展出嘅Steppenwolf概念車相似，除擁有圓渾嘅車身線條之餘，全新設計嘅鬼面罩，響炯炯有神嘅Xenon頭燈及17吋跑車胎軨襯托下，一派高性能跑車形象徹底地展示出來。車廂布局方面，除空間較現有型號來得寬敞外，設備配搭亦會略作修改，以迎合不同用家需要；然而，廠方亦會為新版TT提供多個引擎配搭選擇，其中頂級TT-RS型號，預計會配用一台3.2公升V6Turbo偈，馬力達350匹，務求滿足一群追求高性能表現嘅車迷。
新車嘅Coupe版本快者有望於2005年初推出，而開篷版則於2005年底推出，有興趣嘅車迷就要密切留意喇！