三菱代理一口氣推出三款走唔同路線嘅Turbo版新車，昨日起重連續三日響沙田區大搞Carshow㖭！雖然昨日天氣唔好，但反而亞Mark重可以響展場上多留一陣睇車；其中一款AirtrekTurbo-R，據知未正式開賣就經已賣過30部，雖然代理將售價調升多一萬蚊，賣$229,800，但垂詢想落訂嘅車迷仍大不乏人。咁又係嘅，唔使23萬嘅價錢，就可以擁有一部媲美LancerEvo.嘅高性能RV，既有齊恒式四驅，又有跑車化懸掛同設備，加上240匹馬力輸出，自然有一定吸引力啦！查實，同期推出嘅LancerT-Touring同DionTurbo，亦有一定號召力，以其165匹輸出同唔使17萬嘅車價，響一眾同級車中亦可謂夠突出，至少滿載乘客時，起跑加速都會較一般2.0公升NA車，要來得勁力十足嘛！