李國章對腳剛離開中大，佢以前嘅同事、中大政治與行政學系助理教授黃錦就，臨去美國應聘前，寫封公開信同佢贈興，話李國章一路為自己鋪政治階梯，祝佢不久將來做埋特首；又窒佢做校長時要求一紙十年合約（應是九年），好一展抱負，點知𠵱家有好機會就走咗去，留低蘇州屎畀啲同事，「一將功成萬骨枯」。佢重話：「你出賣了你的誠信」。嘩！句句「腰」心「腰」肺！
黃錦就同八方講：「唔係想李國章做校長。」黃錦就話試過畀分低啲，有人叫佢改分；課程個名唔吸引又要改，但內容不改；請兼任教授係睇出唔出名等等，非常商業化。
李國章新聞秘書阿May就話，呢啲只係黃錦就個人意見；不過，局長喺中大六年嘅成績就有目共睹。
傳真︰2623-9278
電郵︰