有時小初都唔明白，點解有人會搞投資公司，同埋點解會有人會搵殼搵到投資公司，好似隻首富國際（204）咁，就剛剛有個人，向原本嘅台灣大股東買咗19.29%權益，作價1534.3萬元，計落每股要成32仙咁多。之後首富無論股價同埋成交量都有異動。首富噚日升9.9%，收16.6仙。
經紀陳話，以佢嘅判斷，首富有異動不外乎得兩個原因。首先，呢類投資公司唔係咁多普羅大眾識得，所以通常都係友好先至會買入，今次首富股權易手，原本大股東嘅朋友亦將股份沽出，轉手畀另一班人，所以成交大幅增加。
其次，通常買家買咗隻殼，無論一般主板公司抑或投資公司，都會進行抽水行動，股價炒上方便行事，所以股價炒上亦好正常。
經紀陳話，之前希域投資（905）股權易手，都有類似現象，正所謂有辦畀你睇。
慕容小初