何志平噚日中午原本同一班小朋友有個食雪糕嘅約會，點知因為臨時決定去新界巡視水浸災區，搞到遲大到。小朋友等吓等吓，等咗個幾鐘，個肚又餓，望住啲雪糕又冇得食，開始唔耐煩。有啲小朋友童言無忌，大嗌：「又話嚟緊？呃人嘅！」、「何局長瞓咗覺呀！」
呢班咁可愛嘅小朋友其實係有線兒童台「香港兒童競選大賽」嘅參賽者，一見到何志平到達，就好大量咁即刻唔記得自己餓咗個幾鐘，開心番同佢玩成一片。最開心當然係食美味雪糕嗰一刻。大合照時重教何局長「一加一等於幾？」當何志平同佢哋一齊大叫「二」時，就等於向鏡頭綻開燦爛笑容。
（圖）苦等個多小時，十二個小朋友終於可以跟何志平齊齊品嘗美味雪糕。咦，何局長的一碟似乎最美味！
傳真︰2623-9278
電郵︰