昨日是謝霆鋒的女友王菲三十三歲生日，但他卻另有節目。霆鋒清晨便出發與父親謝賢（四哥）及母親拉姑打高爾夫球，至下午三時才一起回家，稍後霆鋒則往柴灣拍廣告。
記者致電四哥問他與兒子打高球的賽果時，四哥笑說：「我贏咗霆鋒二千蚊，我哋打一千蚊一個洞嘅，佢輸咗兩個洞畀我。」問到霆鋒會否陪王菲慶祝生日？四哥說：「我真係唔知。」
四哥下午往中環置地歎茶，對於霆鋒在電影《魂魄唔齊》內的造型勁似年輕時的四哥，他說：「我都覺得似，不過我俊啲啦。」
另一方面，霆鋒舊愛張栢芝前晚往銅鑼灣出席電影《絕世好B》首映禮，心情明顯不俗的她，談到開工即表示心情失落，她說：「今日要返上海拍《河東獅吼》，上邊四十幾度，真係冇心機。」
栢芝一向喜歡小朋友，問她可擔心像陳寶蓮般產後患上抑鬱症時，栢芝說：「都會擔心，但屋企人錫自己，到時我會交畀屋企湊，爹哋佢哋好鍾意小朋友。」
此外，昨日三十三歲生日的王菲，現正身在北京為新碟做準備。王菲經理人陳家瑛昨日在電話中說：「王菲喺北京都有朋友同佢慶祝。」