位於尖沙嘴嘅小熊國今日開業嘞，八方噚日童心發作，預先走咗入去，行到去裏面嘅小熊博物館，見到收藏咗成四百隻來自不同國家嘅小熊公仔，真係好開心，滿足咗八方細路時嘅小熊fans心癮。最令八方眼前一亮嘅，係三隻中國人物扮相嘅小熊，霎眼望落去，中間嗰隻帶黑邊眼鏡、着紅色中式上衣嘅，似足我哋嘅中國國家主席江澤民，左右兩隻一肥一瘦兼着住綠色解放軍裝嘅，就似似哋已故領導人毛澤東同鄧小平。小熊國行政總裁鄭蕙文點都唔肯講個答案，話其實個美國作者都冇話實佢哋係邊嗰，叫大家發揮吓想像力，佢重話美國已故總統林肯同甘迺迪，都曾經被模仿為小熊造像㖭。
（圖）三隻小熊，中間嗰隻似唔似江澤民？左右兩隻又似唔似毛澤東同鄧小平呢？ 黃建通攝
傳真︰2623-9278
電郵︰