雖然被女友盧詩雅告上法庭，但獲判無罪的蔡小煒昨日卻向法庭要求取回心意卡留念。裁判官揶揄他：「你有需要咩？好有滿足感咩？」他仍堅持取回，並在庭外對記者表示：「話晒都有啲感情，唔想將啲卡放喺法庭。」
原來這段鬧出風波的愛情始於制服誘惑。蔡小煒含淚對事件總結：「女人信唔過。」他向記者憶述，去年一月他在荃灣愉景新城的酒樓，目睹穿上滙豐制服的盧女驚為天人，立即採取一貫追女攻勢，送鮮花到辦公室。為了近水樓台，更賣去舊山頂道住宅，搬到愉景新城。
他知道盧女有男朋友，仍不放棄，不斷送花，送一千元紙摺成愛心銀紙和勞力士，𠱁得她歡天喜地。女方回覆的心意卡情話綿綿，提及兩人生仔叫MicMic，因蔡叫Michael，生女叫FiFi，因盧英文名Fiona。
去年九月他與盧女分手，十一月女方要求復合，「我生日同平安夜（佢）都上我屋企」。但甜蜜的背後，她卻指控蔡恐嚇她。他說回想起來好心寒，好像「與敵同眠」。記者問他日後會否復合，他說：「佢點靚都冇用，何況佢唔係咁靚！」
本報記者